చెలీ రావే!!!

నువ్వు కనబడవని తెలిసినా

నిన్నే వెతికే  నా కనులకేమని చెప్పను చెలియా?

నీ మాటలిక వినబడవని తెలిసినా 

నీ తియ్యని తేనెల మాటల కోసం తపించిపోయే 

నా మనసుకి ఏమని చెప్పను? 

నువ్వు లేవని ఇక రావని తెలిసినా 

నీకై నడిచే నా అడుగులకి ఏమని చెప్పను?

నా మాటలు నీకు వినబడవని తెలిసినా 

పిచ్చిగా అరిచే నా గొంతుకకు ఏమని చెప్పను?

నిను వీడి క్షణమైనా ఉండలేననుకునే నేను 

నీ విరహాన్ని తాలలేననుకునే నేను 

నువ్వు లేని క్షణమొక యుగమనుకునే నేను 

నీతో ఇక క్షణమైనా గడపలేనని తెలిశాక........ 

నాలో ఒక కొత్త అనుభవం

ఏనాడు లేనిది ఈనాడు ఏమైనది

కుదురుగా ఉండనన్నది నా మది

 నీ కోసం పరుగులెడుతున్నది

నిమిషమైన నా మనసు నిను వదలనంటున్నది

నీ ధ్యాసలో పడి అది నన్నే మరిచినదే 

నీ పేరు తలచగానే ఏదో పులకరింత

నీ నవ్వే కలిగించే నాలో కవ్వింత

ఒక తియ్యని గిలిగింత

ఇన్నాళ్ళూ నేనెరుగను ఈ తీపి బాధ

ఈ రోజే మొదలైనది నాలోని ఈ కధ

కలలోన, మెలకువలో ప్రతి చోట నువ్వే

ఎంత తరిమినా వెల్లిపోనంటావే  

పరధ్యానం లో ఉంటానే ప్రతి క్షణం నేను

పని చేసుకోనీవే క్షణమైనా నువ్వు

పేరేమని పెట్టను ప్రియమైన తలపులకి 

ప్రేమా!...ఆ పేరే సరిపోదన్న భావన

వెతకలేనేమో ఈ మైకానికి పదాన్ని

దొరకదేమో ఆ పదం తెలుగు నిఘంటువులో...