నాలో ఒక కొత్త అనుభవం

ఏనాడు లేనిది ఈనాడు ఏమైనది

కుదురుగా ఉండనన్నది నా మది

 నీ కోసం పరుగులెడుతున్నది

నిమిషమైన నా మనసు నిను వదలనంటున్నది

నీ ధ్యాసలో పడి అది నన్నే మరిచినదే 

నీ పేరు తలచగానే ఏదో పులకరింత

నీ నవ్వే కలిగించే నాలో కవ్వింత

ఒక తియ్యని గిలిగింత

ఇన్నాళ్ళూ నేనెరుగను ఈ తీపి బాధ

ఈ రోజే మొదలైనది నాలోని ఈ కధ

కలలోన, మెలకువలో ప్రతి చోట నువ్వే

ఎంత తరిమినా వెల్లిపోనంటావే  

పరధ్యానం లో ఉంటానే ప్రతి క్షణం నేను

పని చేసుకోనీవే క్షణమైనా నువ్వు

పేరేమని పెట్టను ప్రియమైన తలపులకి 

ప్రేమా!...ఆ పేరే సరిపోదన్న భావన

వెతకలేనేమో ఈ మైకానికి పదాన్ని

దొరకదేమో ఆ పదం తెలుగు నిఘంటువులో...